ما فيش حكاية بتستمر زى ما بدأت ليه على طول..
اى نعم كلمة فأغنية بس شاغلت دماغى كتير...... ليه دايما كل
الحكايات بتنتهى بما ينفعش...اصل ما حصلش نصيب
اصل القدر وقف فوشنا....اه فى احترام كبير للقضاء والقدر ...بس نقف بجد لو احنا اللى كنا السبب
فأن حاجه معينه ما تكملش او ما تحصلش...
فى ناس بتتحجج بالقدر....لكن القدر برئ منها...كان ممكن تواجه لكن هى اللى اختارت
لان القرار دايما بادينا احنا مش بايد حد تانى
سواء فالحب ....او فاى شئ تانى.
...طبعا فيما عدا (السوياسه).....ما لناش دعوة الامر امر الكبار فقط...
المهم بعد الرغى بتاعى ده كله فى حاجات كتير فدماغى والله...اولها انى مستغربه معظم قصص
الحب فاشله مش عارفه ليه؟...سيبك انت مالحب الافلاطونى...والغرام والانتقام ده!!!
ليه ما يبقاش فى حب بجد بس مع شوية احساس بالواقع يعنى
من باب العلم بالشئ عشان بس الواحد ما يجبهوش سكته او جلطه
اوهرشة مخ لو اتصدم بالواقع مرة واحدة ونزل مالسحابه اللى كان متشعلق فيها
يعنى معظم قصص الحب كلها على بعضها قصة وحكاية من وحى الخيال بتاع المؤلف....لان خلاص
خلص هذا الزمن...!!
هناك 4 تعليقات:
على فكره انا معاكى ان فى قصص كتير فاشله بس ده ميمنعش ان فى قصص كتير ناجحه وصحبه سعدا جدا بس اصل الحب الحقيقى ده شى لازم يكون نادر لانه شى غالى اقوى ةانتى عارفه ان الحاجه بتستمد قيمتها من ندرتها ولا ايه
ميرسى بجد على الكلام الجامد جدا ده
وانا معاك ان الحاجه بتستمد قيمتها من ندرتها
بس اصل الحب ده بقى فعلا حاجه نادرة
بقى صعب انه يتلاقى او حتى يدور عليه
بس انا كنت باقول ما فيش مانع نحب اوك الحب شئ جميل
بس نبص شوية للواقع عشان ما تجلناش صدمه ونتوكس
وبجد منورنى
الست اطاطا الشهيره فى فيلم عوكل قالت كلمه حكمه (هو فى حاجه يا ابنى بتفضل على حالها )
نفس كلمتى فى موضوعك ده يا ستى .. مفيش حاجه بتفضل على حالها حتى المشاعر والحب
وانا كمان فى الاستفتاء اللى انتى عملاه بره عن الحب قبل الجواز والحب بعد الجواز
صوت ل ( كله محصل بعضه ) لأنها فعلا محصله بعضها
المهم اساسا بقه انك تلاقى مايدعى بالحب لقيتيه قبل الجواز لقيتيه بعد الجواز لقيتيه يوم كتب الكتاب مش هتفرق
الأهم بقه .. انك ازاى تحافظى على الحب ده وتنميه بالعشره وبحب تانى وتالت ورابع .. وتعرفى انتى والطرف التانى تضحو فى الوقت المناسب وتحبو وتستحملو فى الوقت المناسب .. علشان منقولش عليه .. اهى حاجه وراحت لحالها
تسلم ايديكى واعذرينى للتطويل
عندك حق فعلا
اهم حاجه انى الاقى اللى يستاهل الحب اصلا
بس شكلى هادور كتير اوووى
ادعيلى انتى بس
وكلاامك جااامد جدا ووخصوصا ما فيش حاجه بتفضل على حالها
منورانى جدا جدا جدا
ويا رب اشوفك دايما منورة المدونة
إرسال تعليق